8 ushqime të nënvlerësuara, sipas dietologëve

Ushtrime 2 (Gjirafa) Leaderboard 8 ushqime të nënvlerësuara, sipas dietologëve

Shumë ushqime nga prezantohen vazhdimisht për cilësitë e tyre të larta, por ne shpesh harrojmë disa ushqime të përditshme që janë të mbushura me lëndë ushqyese. Ekspertët e ushqimit nga gjithë vendi japin opinionet e tyre mbi ushqimet tejet të shëndetshme që shpesh harrohen.

article-ushqim-nenvleresuar 8 ushqime të nënvlerësuara, sipas dietologëve

1. Thjerrëzat
“Në studime të publikuara, është gjetur se thjerrëzat nxitin ngopjen, largojnë në mënyrë të natyrshme dëshirën për të ngrënë ushqime të procesuara dhe për ta zvogëluar ngrënien në përgjithësi. Thjerrëzat gjithashtu ndihmojnë në mbështetjen e shëndetit të mire tretës dhe janë jashtëzakonisht të pasura me lëndë ushqyese (ofrojnë karbohidrate që tretin ngadalë, fibra, proteina, vitamina, minerale dhe antioksidantë), janë pa gluten, jo alergjenike, me bazë bimore, jo të kushtueshme dhe me shumë variacion.

“Thjerrëzat e shtypura mund të përdoren në vend të vezëve për mëngjes ose mund të përdoren në formë të topthave. Thjerrëzat e plota mund të shtohen në salla kopshti, të pjeken në furrë si një shujtë e thjeshtë apo të shtypen në formë të humusit. Thjerrëzat mund të futen edhe në deserte! Në ‘Slim Down Now’, unë përdori mjellin e thjerrëzave në recetën e ëmbëlsirave me çokollatë, ashtu si në copëzat e vogëla të ëmbëlsirave me çokollatë të zezë.”

– Cynthia Sass, dietologe e regjistruar dhe autore e “Slim Down Now: Shed Pounds and Inches with Real Food, Real Fast”

2. Qepët
“Perimja modeste, qepa, vërtetë është e nënvlerësuar. Shumica e njerëzve nuk e kuptojnë që kur copëtoni një qepë dhe ia shtoni pjatës tuaj të preferuar, qoftë supë, pjatë hyrëse, kaserolë apo pjatë anësore, ju po shtoni një porcion perimesh në ditën tuaj! Jo vetëm që këto kokrra janë të mbushura me lëndë ushqyese, si fibra, minerale dhe vitamin C dhe B6, por përbërësit me sulfur dhe polifenole mund ta mbrojnë shëndetin tuaj, gjithashtu.

“Mbit ë gjitha, qepët shtojnë shije dhe aromë të jashtëzakonshme pjatës. Fërgojeni një qepë të copëtuar me pak vaj ulliri dhe shija e karamelizuar do t’i shtojë gjallëri çdo pjate, supe, gjelle, salate, salsa, sanduiç, pica, pjata hyrëse apo tava.”

– Sharon Palmer, dietologe e regjistruat dhe autore e “Plant-Powered for Life”

3. Arrat
“Mund të shihni badema, kikirika dhe shqema në çdo përzierje frutash të thata, por arrat shpesh lihen anash. Arrat janë të mbushura me omega-3, fibra dhe lëndë ushqyese esenciale. Gjithashtu është gjetur se ato ulin kolesterolin dhe zvogëlojnë rrezikun ndaj diabetit dhe disa llojeve të kancerit. Kjo frutë e fuqishme duhet të jetë ndër ushqimet kryesore në deitën amerikane”.

– Jim White, dietolog i regjistruar, fiziolog i ushtrimeve dhe pronar i Jim White Fitness and Nutrition Studios

4. Patatet
“Sa i përket parave dhe presionit të gjakut, nuk ka të matur me një patate të pjekur në mënyrë tradicionale: Një filxhan masë me patate (i bie një patate e vogël e pjekur), kushton më pak se 20 cent dhe ofron mbi 650 miligramë të kaliumit që ulë presionin e gjakut. Meqë shumica e amerikanëve kanë mungesë të këtij përbërësi, patatja është një mënyrë e lirë për të luftuar presionin e lartë të gjakut.
Një patate e vogël e pjekur ka vetëm 113 kalori, prandaj mos besoni atë përrallën e vjetër që patatet e pjekura të trashin. Mbusheni atë me perime, gjizë dhe jogurt grek për një shujtë që të ngop por kushton pak dhe ka pak kalori”.

– Joan Salge Blake, dietolog i regjistruar dhe profesor klinik i asocuar në Boston University

5. Dredhëzat
“Shumica e njerëzve nuk e dinë sa ushqyese mund të jenë dredhëzat. Një porcion (rreth 8 dredhëza) përmban më shumë vitamin C se një portokall, dhe 220 miligramë kalium. Një porcion gjithashtu ka pak sheqer me vetëm 7 gramë sheqer natyral dhe 45 kalori. Gjithashtu kanë 3 gramë fibra plotësuese.”

– Mitzi Dulan, dietologe e regjistruar dhe autore e “The Pinterest Diet: How to Pin Your Way Thin” dhe nutricioniste ekipore për Kansas City Royals

6. Pasta
“Shumicën e kohës, pastat janë burim i mirë i fibrave në dietë, varësisht nga lloji që blini. Gjithashtu, fëmijët i duan. Janë të lira, me shumë variacion dhe përgatiten lehtë. Është një kanal apo mjet për të përçuar lëndë tjera ushqyese në trup, varësisht prej çka shtoni në to.”

– Felicia D. Stoler, dietologe e regjistruar dhe autore e “Living Skinny in Fat Genes”

7. Bizelet e konservuara
“Ushqimet e konservuara kanë një reputacion të keq, kur në realitet, për sa kohë që zgjidhni versionin pa kripë të shtuar, ato mund të ofrojnë disa lloje të lëndëve ushqyese. Bizelet e konservuara posaçërisht janë të preferuarat e mia për një burim të thjesht, të lirë dhe të shpejtë. Gjithnjë mbaj disa konserva në dollap për netët kur më duhet një shujtë e shpejtë. Thjesht ngrohni bizelet mbi stufë, përzieni me gjysmë filxhani kuinoa apo farro, një filxhan perimesh të ziera me avull, pak vaj ulliri dhe disa erëza – dhe keni një shujtë një pjatëshe të shpejtë.”

– Alissa Rumsey, dietologe e regjistruar në Nju Jork dhe zëdhënëse në Academy of Nutrition and Dietetics

8. Lëngu i portokallit
“Lëngu i portokallit përmban ëmbëlsi natyrale dhe nxitë lëndë të rëndësishme ushqyese. Një gotë 200 mililitërshe (8 oz) përbën një burim të shkëlqyeshëm të vitaminës C dhe një burim të mirë të acidit folik dhe tiaminës. Gjithashtu nuk përmban sodium. Disa studime të fundit sugjerojnë se konsumimi i lëngut të portokallit mund të përmirësojë marrjen e lëndëve ushqyese ose të shoqërohet me një dietë më cilësore te fëmijët dhe të rriturit pa e prekur peshën trupore. Edhe pse udhëzueit aktual dietal këshillojnë fruta të pasura me fibra si mënyra më e mirë për të arritur kuotën ditore, sasi të vogla të lëngut 100% të shtrydhur mund të ofrojnë lëndë ushqyese, shije dhe variacion në dietën tuaj.”

– Elisa Zied, dietologe e regjistruar dhe autore e “Younger Next Week” ©Motivim.com

Lexo edhe:

Leave a Reply

Your email address will not be published. Required fields are marked *

one + four =

Ushtrime 2 (Gjirafa)
Xhirime ne Dasma HD dhe 4K

Copyright © 2017 Motivim.com, All rights reserved.