Më shumë gjumë, më pak dëshirë për ushqim? Ndoshta jo

Ushtrime 2 (Gjirafa) Leaderboard Më shumë gjumë, më pak dëshirë për ushqim? Ndoshta jo

Ekziston një lajm i mirë për ata persona të cilët e përsërisin alarmin e orës në mëngjes për të marrë disa zile ekstra: Një studim i publikuar së fundmi në journalAppetite nxori se të rriturit të cilët fjetën mesatarisht 90 minuta më shumë ishin më pak të uritur, kurse të nesërmen kishin më pak dëshirë për ushqim.

article-weight-loss-sleep Më shumë gjumë, më pak dëshirë për ushqim? Ndoshta jo

Hulumtuesit e University of Chicago i studiuan 10 meshkuj dhe femra me mbipeshë dhe obezë të cilët në fillim të studimit fjetën mesatarisht gjashtë orë e gjysmë apo më pak gjatë natës. Gjatë studimit ata e vazhduan rutinën normale të fjetjes për një javë dhe më pas e rritën atë në 8 orë gjumë javën tjetër. Rezultatet nxorën se ata persona të cilët shkuan në shtrat më herët apo qëndruan në shtrat më gjatë kishin një ulje të oreksit prej 14% dhe një rënie prej 62% të dëshirës për tu ushqyer me snacks (ushqime grimcuese) të pashëndetshme të kripura apo të ëmbla.

Një gjë e rëndësishme për tu kuptuar nga ky studim është se pjesëmarrësit fillimisht nuk po bënin gjumë të mjaftueshëm. Ka pasur shumë studime të mëparshme të cilat e mbështesin faktin se mungesa e gjumit është e ndërlidhur me shtimin e peshës. Në sesionet shkencore të American Heart Association’s 2011, një studim tregoi se femrat të cilat bënin vetëm katër orë gjumë gjatë natës, të nesërmen merrnin 329 kalori më shumë sesa kur bënin nëntë orë gjumë. Një studim tjetër i publikuar në American Journal of Clinical Nutrition arriti në përfundim se personat të cilët kishin problem me gjumin e shpeshtuan ushqimin gjatë natës dhe ishin më të prirë të konsumonin snacks me karbohidrate të larta.

Duket se arsyet e rritjes së oreksit tonë me mungesën e gjumit janë të lidhura me dy hormone kyçe në trupin tonë: grelina dhe leptina. Grelina është një hormon i cili të tregon kur të hash, kurse leptina të tregon kur të ndalesh. Por, rezulton se kur keni mungesë gjumi, niveli i grelinës tuaj rritet, kurse leptina zvogëlohet.

Gjatë praktikës sime kam zbuluar se pacientët të cilët nuk bëjnë gjumë të mjaftueshëm (më së shumti, gjashtë orë) e kanë më të vështirë që t’i përmbahen një ushqimi të shëndetshëm dhe regjimit të stërvitjes. Kur janë shumë të lodhur në mëngjes, duket se nuk brengosen të zgjedhin një ushqim më të shëndetshëm, por më tepër zgjedhin një buttered roll (brumë i pjekur i mbushur me gjalpë) apo bagel (brum i pjekur në formë rrethi) dhe djathë të kremosur, duke e bërë shprehi jo të shëndetshme ditore.

Shkuarja herët në shtrat është mënyra më e mirë për të fjetur më shumë, meqenëse të fjeturit e gjatë në mëngjes nuk është një zgjidhje për shumicën e të punësuarve. Fillo të shkosh në mbrëmje vetëm 15 minuta më herët në shtrat dhe vazhdo kështu derisa t’i bësh tetë orë gjumë të plota. Gjithashtu, vendoseni ushqimin e mëngjesit në auto-makinë: Bëje gati kosin, manaferrat dhe fetat e lyera me krem bajame për t’i konsumuar pa marrë parasysh se sa jeni të lodhur.

Një tjetër lajm i mirë rreth shkuarjes herët në shtrat është se nuk mund të hani natën nëse jeni duke fjetur. ©Motivim.com

Lexo edhe:

Leave a Reply

Your email address will not be published. Required fields are marked *

eighteen + 12 =

Ushtrime 2 (Gjirafa)
Xhirime ne Dasma HD dhe 4K

Copyright © 2017 Motivim.com, All rights reserved.