8 sekrete që i di çdo nutricist (po ashtu duhet edhe ju)

Ushtrime 2 (Gjirafa) Leaderboard 8 sekrete që i di çdo nutricist (po ashtu duhet edhe ju)

Ne pyetëm një panel nutricistësh të na tregojnë sekretet e brendshme rreth të ushqyerit shëndetshëm. Ja çfarë thanë ata:

article-food-nitricist 8 sekrete që i di çdo nutricist (po ashtu duhet edhe ju)

1. E vetmja gjë që ka më shumë rëndësi se çfarë hani është… “Njerëzit fiksohen me çfarë hanë, por sasia e ushqimit që konsumoni ka shumë më shumë rëndësi”, thotë Lisa Young, PhD, RD, profesoreshë e nutricionit në New York Univeristy dhe autore e the Portion Teller. Me fjalë të tjera, mund të konsumoni gjithçka në porcione të moderuara-por është shumë lehtë të mbikonsumoni atë ¾ e filxhanit të shërbyer me drithëra ose dy lugëkrem sallate. ” Mbani një ditar ushqimi për një apo dy javë dhe bëni më të mirën tuaj të matni sasinë e ushqimit të konsumuar” thotë Young. “Matni një filxhan me drithëra në mënyrë që të mos vendosni tre të tillë”.

Një tjetër fushë mine për kontrollim të porcioneve janë restorantet. “Mos prisni të kontrolloni ato porcione vetëm duke vendosur poshtë thikën dhe pirunin tuaj” thotë Hope Warshaw, RD, autor i Eat Out Eat Well. “Praktikoni kontrollimin e porcioneve prej pikës kur e bëni porosinë. Mos u ndjeni të detyruar të porosisni nga pjatat kryesore. Në vend të tyre, zgjidhni ushqime më të shëndetshme si mezet, supat, sallatat dhe pjata të tjera të vogla”.

2. Ushqimi të cilin mund të mos jeni duke konsumuar por që do të duhej të ishit….
Një gjë është e sigurtë: Ne jemi bombarduar nga retorika anti-karbohidrate gjatë këtyre viteve. “Por jo të gjitha karbohidratet janë të këqija”, thotë Gina Consalvo, RD me bazë në Pensilvani. “Në fakt, disa prej tyre janë esenciale. Karbohidratet me drithëra të pasura me fibra i japin trupit tuaj burimin e preferuar të energjisë. Ato po ashtu janë të pasura me fitonutriente të cilat ndihmojnë në luftimin e sëmundjeve, si dhe janë të pasura me fibra të cilat të ngopin dhe ndihmojnë me kontrollimin e porcioneve dhe menaxhimin e sheqerit në gjak”. Gjithashtu, hulumtimet tregojnë se fibrat që gjinden në drithëra mund të kenë aftësinë unike për mbrojtje ndaj sëmundjeve kronike-ndoshta edhe më shumë se fibrat bimore.

3. Ushqimi të cilin nuk mund të hani mjaftueshëm asnjëherë është…
“A doni të mbusheni më një ushqim? Mos shikoni më larg se kabineti i erëzave. ” Në botën bimore, barishtet dhe erëzat janë fruta dhe perime” thotë WendyBazilian, DrPH, RD, autore e The SuperfoodsRxDiet, “Dhe mbi 2,000 fitonutrientë janë gjetur në barishte dhe erëza tashme! Disa ndihmojnë në përmirësimin e metabolizmit, tjerat ndihmojnë të baraspeshimin e sheqerit në gjak kurse të tjerat mund të ndihmojnë në ruajtjen e memories me moshë.” Edhe më mirë: Barishtet dhe erëzat nuk kanë kalori apo natrium. “Kur dëgjoni ‘hani më shumë fruta dhe perime’, mos harroni barishtet dhe erëza të freskëta dhe thara,” thotë Bazilian. “Është një arsye pse unë kam dëshirë ta quaj origanon një mini sallatë”.

4. Zakoni që mund të ketë ndikimin më të madh në dietën ditore është…
Të hani pak çipsa pita çdo natë para darkës mund të ketë ndikim të madh në dietën tuaj të përgjithshme, edhe pse shumë prej nuk e konsiderojnë mënyrën si ushqimet spontane gjatë ditës afektojnë ushqimin. “Pyetësorë të fundit të National Dietary tregojnë se ushqimet e vogla llogariten të jenë 25% të konsumit të kalorive,” thotë Kathy McManus, RD, drejtor i departamentit për ushqim në Boston’s Brigham dhe Women’s Hospital.

5. Gjëja kryesore që duhet ta injoroni në etiketat ushqimore është…
“Pjesa dërrmuese e gjuhës së përdorur në paketimet e ushqimit sot është e “e definuar” nda qeveria amerikane por mbetet jo e rregulluar”, thotë Stefanie Sacks, nutriciste kulinare dhe autore e What the Fork Are You Eating? Rasti në fjalë: Fraza “krejt natyrale” e cila në fakt nuk ka asnjë domethënie. Por ky nuk është ofenduesi i vetëm. “Pjesën më të madhe të kohës kur në produkt shkruan “pa sheqer”, në fakt do të thotë që ai produkt është ëmbëlsuar me kemikale (me siguri kancerogjene) ëmbëlsuese”, thotë Sacks. Kjo vlen edhe për thënien “zero-kalori”. “Administrata për ushqim dhe barna e definon “pa kalori” një produkt me pesë ose me pak kalori pë porcion,” thotë Bazilian. Kjo është arsyeja pse produkti Splenda mund të etiketohet si “zero kalori” edhe pse një filxhan përmban 96 kalori. Zgjidhja? Zgjidhni ushqimet që nuk kanë ndonjë paketim ekstravagant ose më mirë akoma, produkte pa paketim fare (përshëndetje, fruta dhe perime të freskëta”).

6. Gjëja kryesore që duhet ti kushtoni vëmendje në etiketat e ushqimit është….
“Çka i mësoj klientët është se lista e përbërësve është më e rëndësishme sesa paneli i fakteve ushqyese,” thotë Bazilian. “Kjo sepse ju mund të vlerësoni kualitetin e ushqimit menjëherë si të shihni përbërësit që përmban dhe nëse ja vlejnë të shpenzoni kohë,” thotë Sacks. “Sa më e gjatë lista, as më i procesuar ushqimi”, shpjegon ajo. “Ju duhet të qëndroni sa më larg ushqimeve të procesuara që është e mundur”.

7. Mashtrimi kryesor që ju bëhet me sheqer është…
“Disa prodhues përdorin lloje të ndryshme të sheqerit në ushqimet ashtu që sheqeri vetë nuk listohet në maje të listës së përbërësve,” thotë Bazilian. “Nëse disa lloje të sheqerit janë përdorur, ato mund të shkruhen më poshtë në listë-dhe ju do të mendoni se jeni duke ngrënë një produkt me pak sheqer.”

8. Personi më adekuat për të ju dhënë këshilla për dietë është…
Çdokush mund të japë këshilla për dietë dhe ta konsiderojë vetën ekspert, por vetëm disa e dinë në të vërtetë se çfarë janë duke thënë. “Nëse po kërkoni informacion të sigurtë për ushqim, flisni me dietologë të regjistruar,” thotë Toby Amidor, RDN, autor i The Greek Yogurt Kitchen. “Bashkë me shumë vite shkolle, ata marrin pjesë në një program praktike që zgjat 1,200 orë dhe bëjnë provime ashtu që të fitojnë përvojë. Ata mund të shikojnë historinë familjare, punën e gjakut, historinë mjekësore, zakonet ditore, preferencat tuaja dhe të krijojnë një plan të personalizuar ushqimi që ju përshtatet juve.” ©Motivim.com

Lexo edhe:

Leave a Reply

Your email address will not be published. Required fields are marked *

3 + 14 =

Ushtrime 2 (Gjirafa)
Plani Dietal Right

Copyright © 2017 Motivim.com, All rights reserved.