Rreziqet e të qëndruarit ulur dhe në këmbë

Ushtrime 2 (Gjirafa) Leaderboard Rreziqet e të qëndruarit ulur dhe në këmbë

Shendet-00001a Rreziqet e të qëndruarit ulur dhe në këmbë

Të qëndruarit ulur mund bartë rreziqe të mëdha dhe mund të qojë në paraqitjen e sëmundjeve të zemrës, diabetit dhe mbipeshës – edhe nëse frekuentoni palestrën rregullisht. Ndiqni këshillat tona për të shtuar energjinë, përshpejtuar metabolizmin dhe për ta vënë prapanicën në lëvizje.

 

Jam person goxha i shëndetshëm, por kam një shprehi të keqe që e bëjë çdo ditë. Në fakt jam duke e bërë edhe tash. Vë bast se edhe ti je duke e bërë të njëjtën gjë. E pra të gjithë e dimë se të qëndruarit ulur na mbytë çdo ditë ngadalë. Mënyra e të jetuarit me prapanicën ngjitur në karrige – çoftë në karrigen e punës, në autobusin urban, deri sa sheh maratonën e serialit “Game of Thrones” – rritë rreziqet për mbipeshë (sipas një studimi çdo femër që qëndron dy orë para TV-së, ka më shumë rrezik të sëmuret nga kanceri, diabeti, sëmundjet e zemrës dhe rrezikon vdekjen e parakohshme. Çdo dy orë të kaluara par TV-së rrit rrezikun e këtyre sëmundjeve deri në 20 për qind, 15, respektivisht 13 për qind).

 

Trupi i njeriut ka ndryshuar shumë pak këto qindra vitet e fundit, por mënyra e të jetuarit ka ndryshuar rrënjësisht,” thotë James A. Levine autor i librit “Get Up! Why Your Chair Is Killing You and What You Can Do About It.” “Kemi ndryshuar nga mënyra e të jetuarit rural, ku kemi kaluar vetëm disa orë në ditë të ulur, në një sistem të ri ku tash mesatarisht për shembull një punëtor amerikan qëndron ulur 12 deri 15 orë në ditë.” Sikur të mos mjaftonin sëmundjet vdekjeprurëse për të na futur tmerrin në palcë, kjo mënyrë e të jetuarit sjellë edhe pasoja të menjëhershme: mungesë energjie, atrofi muskulore dhe lëvizje të kufizuar thotë Jill Miller, krator i “Yoga Tune Up”, një program fitnnesi që përmirëson vijën e trupit dhe qetëson dhimbjet. Por ky mbetet një problem me dy tehe: Së pari, ne jemi krijesa të veseve, dhe shumica prej nesh vërtetë s’janë të interesuar të rrinë në këmbë tërë ditën. (Hallo, jam ulur edhe pse po shkruaj se sa keq është të qëndrosh në karrige). Së dyti, të rrish në këmbë gjatë nuk është edhe aq e shëndetshme: Secili që ka punuar pas banakut e di këtë. Të qëndrosh në këmbë tetë orë rresht mund të jetë sfilitëse dhe dëmton shëndetin. “Të qëndruarit në këmbë shkakton tendosje më të madhe të sistemit të qarkullimit të gjakut dhe bën presion në këmbë, shputa dhe shpinë,” thotë Alan Hedge, drejtor i “Human Factors” dhe “Ergonomics Research Laboratory” në Universitetin e Cornellit.

 

Nëse të qëndrosh ulur është keq e në këmbë edhe më keq, atëherë cila është zgjidhja? Ekspertët po përpiqen të japin një përgjigje. “Dihet se nuk duhet ndenjur ulur për një kohë të gjatë, por kur bëhet fjalë për rekomandimet zyrtare, këtu puna çalon paksa,” thotë Dr. Peter Katzmarzyk, zëvendës drejtori ekzekutiv i shkencave të shëndetit publik në Qendrën Hulumtuese “Pennington Biomedical” në Universitetin Shtetëror të Louisianës. “Duhen dekada kërkime për të vendosur një standard,” thotë ai.

 

Rri më pak ulur e më shumë qëndro në këmbë

 

Baraspesha është çelësi. Nëse je tip gjithmonë-në-lëvizje, kjo do të thotë se më mirë është të qëndroni në këmbë shumicën e kohës dhe t’i bëni ca pauza sa për ta çliruar presionin nga boshti i kurrizit.

 

Por nëse jeni tip që nuk shqiteni nga tavolina e punës ose s’mund të përqendroheni derisa rrini në këmbë, orari i duhur mund të jetë si vijon: Uluni dhe bëjeni një pushim 10 minuta, çdo orë, duke u ngritur nga karrigia. Për ta qetësuar shtrëngimin e qafës dhe kurrizit, është me rëndësi që t’i bëni edhe ca pushime larg tastaturës së kompjuterit.

 

Orari ka rëndësi: Është krejtësisht në rregull nëse bëni një orë me zile deri sa ta merrni këtë shprehi. Për fat e kam bërë një “reminder”: Pi shumë ujë. Kjo më detyron të shkoj në tualet së paku një herë në orë si përkujtim se duhet të rri disa minuta në këmbë. Kur kthehem në tavolinën e punës, rri në këmbë derisa kontrolloj listën e detyrave, organizojë letrat, hapi zarfet ose (ok, në rregull) i hedh një sy mediave sociale. Dhe ato ç ‘tendosjet e muskujve? Janë të mrekullueshme – nuk më intereson nëse dukem i çuditshëm. Në fakt reagimi më i zakonshëm që marr prej kolegëve të punës është “O, njeri, edhe unë kam nevojë për diç të tillë!”.

 

Ulu dhe rri drejtë

 

Pozicionimi i trupit është shumë me rëndësi: kërrusja para shkakton dhimbje, shtrëngon mushkëritë dhe kjo redukton kapacitetin e tyre që qon në uljen e energjisë trupore; dhe shton presionin në qafë dhe shpinë. “Çdo centimetër që shtyni kokën para përkthehet në së paku 5 kilogramë në shtyllën kurrizore”, thotë Miller.

 

Lëvizni, sidomos pas vakteve

 

Nëse një person ha mëngjes, drekë ose darkë dhe pastaj ulet në karrigen e punës ose në sofa për dy orë, mund të përjetojë ngritje të sheqerit në gjak, thotë Dr. Levine. Por nëse vendosë të mos ulet dhe të ecë – çoftë edhe 15 minuta – ulë glukozën në gjak përgjysmë. “Kjo është shumë e rëndësishme, sepse ngritja e sheqerit është paralajmëruesi fiziologjik numër një të dy llojeve të diabetit,” sqaron Dr. Levine.

 

Lufto me stërvitje

 

Edhe pse ka rezultate kundërthënëse sa i përket efektit të stërvitjeve si masë për të luftuar të qëndruarit ulur, duket se kjo nuk është e vërtetë. “Arsyeja është e thjeshtë: nëse ha mëngjes, drekë ose darkë dhe pastaj shkoj në fitness, ai grumbullim i glukozës në gjak tashmë ka ndodhur,” thotë Dr. Levine. “Është tepër vonë”.

 

Lexo edhe:

Leave a Reply

Your email address will not be published. Required fields are marked *

12 + eleven =

Ushtrime 2 (Gjirafa)
Xhirime ne Dasma HD dhe 4K

Copyright © 2017 Motivim.com, All rights reserved.